Að verða tilbúin...

Núna er ég á fullu í undirbúningi fyrir reisuna okkar. Ég get sagt ykkur að það erfiðasta er að halda þessu frá blessuðum börnunum. Mikaela á nefnilega afmæli á morgun og halda tvíburarnir áfram að spyrja mig um daginn, og hvernig við ætlum nú að halda uppá afmælið hennar og getum við boðið þessum og hinum krökkum.

Þau eru öll vön því að það sé partý hérna allan daginn þegar einhver á afmæli, þannig að það er spenningur hér fyrir morgundeginum. En, við höldum á stað svona um hádegið á morgun og verðum komin til Disneyland um kvöldmatarleytið. Þá tékkum við okkur inn á hótelið og förum svo út að borða með afmælisstelpuna. Síðan ætlum við bara að opna gjafir á hótelinu og fara svo að sofa og vakna eldsnemma á Þriðjudagsmorguninn til þess að fara í DISNEYLAND.........

Ég get sko ekki beðið eftir að sjá framan í öll börnin þegar við förum inn í skemmtigarðinn. Ég er að deyja úr spenning sjálf, ég lofa að taka geðveikar myndir og set svo hér inn á næstu helgi, ef ég á eftir að hafa einhverja orku eftir!!!

Ætli ég verði ekki að fara að drífa mig í þrifin og fara að skrifa alla þessa blessuðu lista sem tilheyra ellinni, því annars myndi ég örugglega gleyma hárburstanum og tannburstanum og Guð veit hverju öðru.

HAPPY THANKSGIVING mitt kæra fólk, ég skal borða fullt af kalkún fyrir ykkur...

Athugasemdir

[Aðalheiður Haraldsdóttir, 20.11.2006 kl. 15:55]

Elsku Mikaela!  Innilega til hamingju með afmælið í dag og sérstakar kveðjur frá henni Sesselju frænku þinni.  Svo óskum við ykkur öllum góðrar hátíðar, njótið kalkúnsins og við vonum að þið skemmtið ykkur alveg GEÐVEIKISLEGA VEL Í DISNEYLANDI!!!  Og ef þið rekist á hana Mjallhvíti og ,,hæhóana" (eins og Diljá segir) viljið þið þá skila kveðju frá henni Diljá Fönn, þau eru nefnilega uppáhalds uppáhaldið hennar!

Ástarkveðjur frá öllum í Växjö!