Gat það verið...

Mér finnst alveg skiljanlegt að Eddie Murphy vildi fara í faðernispróf, fyrst að þau voru ekki saman rosalega lengi, en soldið leiðinlegt af honum að tala um það í fjölmiðlunum hversu ólíklegt það sé að hann sé pabbinn.

Það er gott að sjá að hann er pabbinn, og ég trúi því alveg 100% að hann eigi eftir að sjá fyrir barninu, bæði fjárhagslega, og persónulega. Það er spurning þar sem þau búa í sitthvoru landinu hvernig heimsóknartíminn verður, en þau vonandi komast að samkomulagi um það. Eddie Murphy á nú þegar fimm börn með fyrrverandi eiginkonunni, og hann er búinn að sjá vel um þau og sína fyrrverandi, en það er spurning hvernig það verður með Mel. Ekki voru þau nú saman lengi, og greinilega búin að vera erfitt hjá þeim að semja vel saman, það sést á því sem hún þurfti að ganga í gegnum til þess að fá hann í faðernisprófið.

Ég vona bara, barnsins vegna, að þeim á eftir að semja ágætlega, þau voru nú nógu hrifin af hvort öðru í einhvern tíma, það er vonandi að þau komast að samkomulagi, og að Mel B. tali ekki illa um Eddie við dóttur sína, þó svo að hann var ekki samvinnuþýður þegar litla stúlkan fæddist. Það er það leiðinlegasta sem mæður geta gert er að tala illa um föðurinn, alveg sama hversu illa faðirinn hefur komið fram við mömmuna og barnið, maður verður að vernda börnin sín, og ekki tala illa um hvort annað við börnin manns...

Murphy er pabbinn

Athugasemdir

[Doddi - Þorsteinn G. Jónsson (IP-tala skráð) 25.6.2007 kl. 18:40]

Auðvitað eiga foreldar sem hafa skilið aldrei að tala illa um hvort annað fyrir framan barnið. Þetta barn og þessir foreldrar eru engin undantekning. En það sem mér fannst í fyrsta lagi sérstakt, var þetta samband þeirra til að byrja með - með ólíklegri pörum sem ég hefði getað ímyndað mér ... en okay, annað eins hefur nú gerst. En svo er víst tal um heita og innilega framtíð áberandi í fjölmiðlum hjá þeim, þar til allt í einu Eddie bara kastar fram í fjölmiðlum efasemdum um að hann eigi barnið, og hættir með Mel B í beinni útsendingu.

Skiptir ekki máli hvort þú heitir Eddie Murphy eða Doddi Jónsson ... svona framkoma er auðvitað bara ótrúlega lúaleg, og Eddie minnkaði mikið í áliti hjá mér fyrir þetta. En Mel B (scary spice) hefur alltaf vakið með mér smá óhug ... ég vildi alla vega ekki vera óvinur hennar!  

Fyrst og fremst, eins og þú kemur að, þá er heill barnsins það sem skiptir máli, og það er vonandi að Mel og Eddie búi þannig um hnútana að uppeldi og framtíð þess verði sem best.

Knús og kysser frá Akureyri,
                     Doddi

[Melanie Rose (IP-tala skráð) 25.6.2007 kl. 22:31]

Já alveg sammála þér Bertha.

Og verð að vera sammála Dodda,Eddie minnkaði mikið í áliti hjá mér líka eftir þetta. Ágætis leikari stundum...en fannst þetta eitthvað hálf halló hjá honum.

Vona að þeim eigi eftir að koma vel saman barnsins vegna

Knúsó