Og hvernig vita þeir það?

Í þessari frétt er unga drengnum skipað að greiða litlu strákunum sem hann misnotaði 600 þúsund krónur í bætur, og sálfræðingar segja að engin varanleg skemmd sé á litlu strákunum, 2-3 ára. Ertu ekki að grínast í mér? Þessir litlu strákar eru búnir að vera misnotaðir af frænda sínum, sem er einnig ungur strákur, 16. ára gamall. Hann er fundinn sekur um að hafa misnotað einn frænda sinn, en ekki hina tvo (af því hann var 15 ára), en þarf samt að borga bætur til tveggja þeirra. Bendir það ekki til sektar?

Hvernig geta sálfræðingar sagt til um það hvort að þessi kynferðislega misnotkun hafi langvarandi áhrif á þessa litlu stráka? Þeir eru bara 2. og 3. ára gamlir. Hvað á eftir að gerast með þá þegar þeir eru komnir á unglingsaldur, þegar þeir eru ungir menn og vilja njóta kynlífs, geta þessir sálfræðingar virkilega sagt að misnotkunin muni ekki hafa langvarandi áhrif á þessa litlu stráka? Það er ekki hægt, að mínu mati, að sjá fram í framtíðina hjá þessum litlu börnum, það er ekki hægt að spá um það hvort að þetta muni ekki hafa langvarandi áhrif.

Ekki nóg með það, heldur er unglingsstráknum sleppt, hann fær engan fangelsisdóm fyrir gjörðir sínar, bara skilorðisbundinn dóm uppá fimm ár, og verður svo í sérstakri umsjón í ár. Allt af því að hann iðrast gjörða sinna, og sé viljugur um að taka á sínum málum. Auðvitað er hann það, því að fólk sem misnotar lítil börn kynferðislega, er veikt, þetta er sjúkdómur, og mjög erfitt að lækna þennan sjúkdóm. Ég vil ekki sitja hér og segja að þessi ungi strákur mun eflaust misnota börn aftur, en hann er búinn að gera það þrisvar nú þegar, og ef að refsingin er ekki verri en að þurfa að borga einhverjar skaðabætur, sem mjög sennilega munu falla á foreldra drengsins, hvað lærir þessi drengur af gjörðum sínum? Það þarf að fylgjast með honum í eitt ár, og þá mun hann geta gert það sem hann vill, ég tala nú ekki um þegar hann verður fullorðinn maður. Ef að engin alvöru refsing er gefin, af hverju er það haldið að þessi drengur muni ekki misnota fleiri lítil börn? Af því að hann iðrast gjörða sinna?

Ég er alveg á því, að þó svo að þessir litlu strákar, 2. og 3. ára gamlir eigi ekki eftir að muna mikið eftir þessu vegna ungs aldurs, þá mun þessi kynferðislega misnotkun fylgja þeim allt þeirra líf, þetta er sálrænt brot á þessum litlu börnum, og hvernig vita þessir sálfræðingar að misnotknunin muni ekki hafa langvarandi áhrif á þessa drengi? Kannski að við fáum að heyra frá þessum litlu drengjum í Kastljósi eftir 12-15 ár, hver veit?

Mér finnst að kynferðisleg misnotkun á börnum eigi að vera refsað á hinn versta hátt, með þeim lengsta dómi, því að þetta er sálrænt morð á börnunum sem eru misnotuð. Hvernig getum við sem foreldrar, sýnt börnunum okkar að við munum gera allt til þess að verja þau frá öllu illu, en svo misnotar frændi þeirra þau, og hann fer ekki einu sinni í fangelsi, hann fær skilorðisbundinn dóm. Mér finnst þetta mjög óréttlátt, skammarlegt, og bara fáránlegt, að dómskerfið á Íslandi hafi létta dóma fyrir svona þung og ógeðsleg brot. Ég er bálreið yfir þessu...

Refsingu vegna kynferðisbrots frestað

Athugasemdir

[Stefán (IP-tala skráð) 18.6.2007 kl. 19:11]

"en þarf samt að borga bætur til tveggja þeirra. Bendir það ekki til sektar?"

 Jú þess vegna var hann látinn greiða þeim bætur en var ekki sakhæfur vegna aldurs.

 "Hvernig geta sálfræðingar sagt til um það hvort að þessi kynferðislega misnotkun hafi langvarandi áhrif á þessa litlu stráka?"

Enda alls óvíst að þetta hafi áhrif merkir að það er ekki hægt að segja til um það með vissu.  Þeir eru ekkert að fullyrða um neitt þarna.

 Án þess að réttlæta nokkurn hlut, því þetta er vissulega viðurstyggð sem hann gerði, þá er hann bara barn sjálfur og varla hægt að dæma drenginn í margra ára fangelsi fyrir það sem hann gerði.  Það er annað þegar fullorðið fólk gerir svona lagað.

Meðferð og aðhlynning er hugsanlega það sem gæti hjálpað drengnum, ekki fangelsi og annað álíka. 

Kv

Stefán